"هتحس إن
الثورة نجحت لما يحصل إيه؟".. سؤال طرحته صفحة "كلنا خالد سعيد"، الداعي الأول للخروج في مظاهرات ثورة 25 يناير، صباح الجمعة 2-9-2011، تدفقت عليه آلاف الإجابات في ساعات قليلة تعبر عن آمال وشجون ومخاوف المصريين على ثورتهم، ومن أبرز هذه الإجابات: لما
الريس يقول
للكناس تحت أمرك يا أفندم، ولما العسكر ما يبقوش صاحب القرار في مصر، ولما تختفي الطوابير وسؤال إنت مسلم ولا مسيحي، ولما نعرف يعني إيه مصري ويكون عندنا مشروع وطني، ولما
يبقى حمزة نمرة نجم الجيل مش تامر حسني.
الموضوع الأصلى من هنا: منتديات عذاري الريس بيقول للكناس يا افندم يبقى الثورة نجحت
وحتى عصر الجمعة وصل إلى الصفحة الثورية نحو 4 آلاف إجابة، تركز معظمها على تحقيق شعار
الثورة الأساسي (عيش.. حرية.. عدالة اجتماعية)، ممثلا في شعور المصري بكرامته وقيمته في الداخل والخارج، واختفاء الواسطة والنفاق والتسول وأطفال الشوارع وقمع المعارضين، وتوفير أساسيات العيش الكريم لأفقر الناس، ورحيل العسكر عن الحكم، ونزاهة الانتخابات، وأن تكون مصر لكل المصريين وليس لتيار معين، وأن يخفت تصنيف المصريين إلى إسلامي وليبرالي وعلماني.
وهذه بعض أبرز الإجابات والتعليقات على السؤال: "هتتحس إن
الثورة نجحت لما يحصل إيه؟":
- لما اروح اى مؤسسة حكومية اتعامل كانى أنسان بدون ما ادفع رشوة
- هحس إن
الثورة نجحت لما بيقى المواطن وكرامته هو الهاجس الأساسي في أي عمل أو قرار حكومي
- لما الانسان العادى البسيط يبقا عارف حقه وعنده الجرائه يطالب بيه ويقول بعلو صوته انا مواطن مصري وعندى حقوق مصريه
- أحس ان
الثورة نجحت ..لما ننزل القري الفقيرة المعدومة والاقيهم عايشين زينا عندهم مياة وكهرباء وبيوت ليها سقف واطفالها متعلمين.. وعندهم مستشفي مجهزة بكل الاجهزة اللي عندنا ..واحس انهم عايشين.
- لما نؤمن بإن (مصر) التلات حروف دول كفاية قوي إنهم يعبروا عن أحلى قيم وسلوكيات في الدنيا.. من غير تبقى محتاجة يتلصق فيها إسلامية ولاعلمانية ولا ليبرالية ولا اشتراكية ولا بطنجانية
- لما نبطل تكفير وتخوين ولما
يبقى فيه تداول سلس للسلطة
- لما نشتغل ونبطل مظاهرات ونشوف مصالحنا
- المجلس العسكرى يرحل ولا يصبح صاحب اتخاذ القرار فى شئون مصر
- ما اتصل ب 122 و الاقى بعدها الشرطة عندى فى دقايق و لما اتصل ب 123 الاقى عربة الاسعاف المجهزة عندى فى اى مكان انا فيه سواء مدينة او قرية
- لما الاقي الست اللي بتمسح السلم عارفة تربي عيالها وتعلمهم من غير ماتتمرمط.
- هحس بكدة لم مانلاقيش طوابير كل انواع الطوابير عيش تموين جمعية
- هحس بالثورة بس لما اقدر اقابل رئيس الجمهورية بعد طلبي مقابلتة بـ 5 دقايق
- هحس ان
الثورة نجحت لما اشوف الذل اللى شوفته فى عيون المظلومين نفسه فى عيون ضباط الشرطة
- لما رئيس الجمهورية يستقبل الكناس في الشارع ويقوله تحت أمرك يا أفندم.. إيه مشكلتك.. قولي قصرت معاك في إيه
- أما ابطل أشوف ناس بتاكل من الزباله و أطفال نايمين على الرصيف
- التعليم يتصلح
- ببساطة ... لما اللي قتلوا الشهداء ياخدوا جزائهم اللي يستحقوه
- لما الناس تعرف يعني إيه مصري
- أنا مسلمة وهحس
الثورة نجحت لما مسيحي يترشح لأرفع مناصب الدولة ونختاره أو نرفضه على أساس مؤهلاته مش ديانته
- نجح لما اقدر امشي في بلدي بالرقم القومي المصري مش ببطاقه دولة تانية علشان يحترموني او علشان اخد امتيازات مش بياخدها غير الاجنبي
- لما نخلص من عقدة الخواجة.. وما نخليش الأجنبي ياخد دورنا في طابور ولا غيره لمجرد إنه أجنبي لأنه اصلا مش بيعملوا معانا كدة برة.. يقف في الطابور زيه زي أي مصري
- هحس لما نحرر الأقصى
- هاحسها لما امشى فى الشارع ملقيش امين شرطة من غير ما اعمل اى حاجة ويقلى بطاقتك ويخدنى تحرى
- هحس ان
الثورة نجحت لما الاقي ابن الفقير وان الغني في نفس المدرسة ولهم نفس الامكانيات .. الغني بفلوسه والفقير بدعم دولته
- هحس ان
الثورة نجحت يوم ما احس ان رئيسا احنا فعلا اللي اختارناه مش تزوير ولا بلطجه
- لما أحس ان مجلس الشعب ومجلش الشوري فيه أعضاء فعلا بيمثلوا كل فئات الشعب وطبقاته
- لما تكون مصر جمهوريه برلمانيه والرئيس له سلطات محدده
- هحس ان
الثورة نجحت .. " لما تنتهى مشكلة الجواز .. ويبقى فى قدرة اى شاب انه يتجوز عادى
- هحس ان
الثورة نجحت لما العيش البلدى
يبقى طعمو احلى من العيش اللبنانى
- هحس ان
الثورة نجحت لما فعلا يكون خريج تجارة بيفهم فى التجارة .. ويكون خريج حقوق بيفهم فى القانون .. وخريج سياحه بيفهم فى السياحه .. مش
يبقى مجرد اربع سنين بيضيعوا من عمرنا
- لما شهداء الثوره يقتص ليهم ولما اقول رأييى بحريه ومحدش يحجر عليا ولا اخاف من امن دوله ولا امن وطنى او محاكمه عسكريه
- لما يحاسب جميع الفاسدين و تفتح جميع ملفات سرقه مصر بلا استثناء لما يبقي فيه شفافيه و حريه
- لما الزبالة تختفي من الشواااااااااااارع، ونستفيد منها في صناعات مهمة
- هحس ان
الثورة نجحت لما مصر تبقى للمصريين
- لما أقول رأيي في أتخن تخين ولا حد يفتح بقه قدامي
- لما انام وانا مطمن اني سايب بلدي ف ايد راجل بجد
- لما الانتخابات تتم ويكون عندنا حكومة منتخبة انتخاب حر من الشعب ورئيس منتخب انتخاب حر من الشعب ساعتها تبدأ
الثورة تؤتي ثماره
- هحس ان الثوره
نجحت لما احنا منستناش الوقت اللى نحط فيه صور بروفايلاتنا ساعدو الصومال مش لازم نستنى لما يموتو
- لما يكون عندنا مشروع وطني نعمل لأجله
- لما المصرينن يثوروا على أنفسهم ويصححوا كل الغلط اللى بيعملوه , فى ثوره حصلت .. اه لكن معظم المصريين لم يتغيروا ودى الكارثه
- لما يكون مفيش كلمة بطالة وعجز موازنة ونقوم ببناء امبراطورية مصرية عملاق اقتصادي جديد في افريقا واسيا ونقوم باعانة الشعوب الفقيرة
- عندما احس اني انسان بجد
- لما حمزة نمرة
يبقى نجم الجيل
- لما النفاق يقل
- لما نعمل مظاهرة احتجاجية على أي قرار ضد الشعب والحكومة ترجع عن القرار ده تاني يوم.
- لما النظام يقع بجد ويجي نظام جديد يبدأ يبنى ويحققلي حلمى بأننا نبقي دولة متقدمة منيقلش عن امريكا او اليابان أو أوروبا
ساعد في نشر والارتقاء بنا عبر مشاركة رأيك في الفيس بوك
hgvds fdr,g gg;khs dh htk]l dfrn hge,vm k[pj hge,vm hgvds htk]l fdr,g dfrn
أنت غير مسجل في منتديات عذاري . للتسجيل الرجاء إضغط هنـا 
الإهداءات
الريس بيقول للكناس يا افندم يبقى الثورة نجحت 
